Almaty metrosynda tólemniń barlyq túri qoljetimdi bolady
ALMATY. KAZINFORM — Almaty metropolıteninde týrnıketterdi jańartý jumystary bastaldy.
Almaty ákimdiginiń málimetinshe, 2025 jyldyń kúzine qaraı jolaýshylar jolaqyny tikeleı kireberiste — Apple Pay, Google Pay nemese Samsung Pay servısi bar smartfondy nemese bank kartasyn qurylǵyǵa tıgizý arqyly tóleı alady.
Buǵan deıin bank kartasymen kassa arqyly nemese arnaıy bir týrnıket arqyly ǵana tóleýge bolatyn. Endi barlyq bekettegi týrnıketter baılanyssyz tólem júıesimen jabdyqtalady.
— Bul jańashyldyq kólik kartasyn qoldanbaıtyn nemese jeton satyp alýǵa ýaqyt joǵaltqysy kelmeıtinder úshin óte qolaıly, — dep habarlady qala ákimdiginen.
Eske salaıyq, buǵan deıin Almaty metrosynda jolaýshylar jolaqyny QR arqyly tóleı alatynyn jazǵanbyz.
