Almaty metrosynda poıyzdar 3 mınýt saıyn júretin boldy

ALMATY. KAZINFORM – Almaty metrosynda qarbalas sátte júretin elektr poıyzdardyń sany kóbeıdi.

Resmı málimetke sáıkes, qosymsha eki elektr poıyz qosylýynyń arqasynda tańerteń jáne keshke jolaýshylarǵa kútý ýaqyty 3 mınýt 6 sekýndqa deıin azaıdy.

- Endi bir ýaqytta 13 quram qozǵalysta bolady, bul jolaýshylardyń jınalyp qalýynyń aldyn alýǵa jáne jol júrýdiń jaılylyǵyn arttyrýǵa kómektesedi. Metropolıten mamandary jolaýshylar legin únemi baqylap, poıyz qozǵalysynyń kestesine qajetti jedel ózgeris engizip otyrady, - dep habarlady «Almaty joly» telegram-arnasy.

Eske salaıyq, buǵan deıin Almaty metropolıteni qos fýnktsııaly jańa qorshaýlardy synaqtan ótkizip jatqanyn jazǵanbyz.