Almaty metrosynda qaýipsizdik sharalary kúsheıtildi
ALMATY. KAZINFORM – Esirtki jáne basqa da tyıym salynǵan zattardyń zańsyz aınalymynyń aldyn alýǵa erekshe nazar aýdaryldy.
Tártip saqshylary Almaty metrosynda jolaýshylardy tekserý-baqylaý sharalaryn kúsheıtti.
— Metropolıten - kún saıyn ondaǵan myń jolaýshy júretin strategııalyq mańyzdy nysan. Sondyqtan bizdiń mindetimiz - barynsha qaýipsiz ortany qurý. Biz qaýipsizdik sharalaryn kúsheıttik, tehnıkalyq quraldar men qyzmettik ıtterdi paıdalana otyryp nysandardy únemi tekserip otyramyz. Ár almatylyq ózin qorǵalǵan sezinýi úshin biz basqa quqyq qorǵaý organdarymen tyǵyz jumys jasaımyz, — dedi Metropolıtendegi polıtsııa basqarmasynyń basshysy Batýrjan Abdýmasarov.
Sondaı-aq ol azamattardy qyraǵy bolýǵa, qoǵamdyq tártip erejelerin saqtaýǵa jáne qajet bolǵan jaǵdaıda kúdikti zattar nemese adamdar týraly polıtsııa nemese metro qyzmetkerlerine habarlaýǵa shaqyrdy.
Osyǵan deıin, Almaty metropolıteni qos fýnktsııaly jańa qorshaýlardy synaqtan ótkizip jatqany týraly jazǵanbyz.
Budan bólek, týrnıketterdi jańartý jumystary bastaldy.