Almaty metrosynda birqatar zatty alyp kirýge tyıym salyndy
ALMATY. KAZINFORM — Almaty metrosynda jekelegen qozǵalys quraldaryn alyp kirýge jáne tasymaldaýǵa qatysty jańa shekteýler kúshine endi.
Almaty metropolıteniniń ákimshiligi 2026 jyldyń 23 maýsymyndaǵy № 519 buıryqqa sáıkes, jolaýshylar men metropolıten qyzmetkerleriniń qaýipsizdigin qamtamasyz etý maqsatynda keıbir qozǵalys quraldaryn alyp kirýge jáne tasymaldaýǵa tyıym salynǵanyn habarlady. Olar:
- elektrli velosıpedter;
- elektrli samokattar;
- velosıpedter (balalar velosıpedterin qospaǵanda);
- rolıkti taqtalar (skeıtbordtar);
- elektrli monodóńgelekter (monotsıklder) jáne ózge de osyǵan uqsas qozǵalys quraldary.
Shekteý qoldanylmaıdy:
- qapqa salynǵan jınalmaly elektrli emes velosıpedterge;
- qapqa salynǵan jınalmaly elektrli emes ózge de osyǵan uqsas qozǵalys quraldaryna;
- balalar arbalaryna;
- múgedekterdiń kreslo-arbalaryna.
— Engizilgen shekteýlerge túsinistikpen qarap, metropolıtendi paıdalaný qaǵıdalaryn saqtaýlaryńyzdy suraımyz, — dep habarlady metro baspasóz qyzmeti.
Eske salaıyq, buǵan deıin Almaty metrosynda kolledj stýdentinen oq-dári tabyldy.
