Almaty metrosynda bıyl jolaýshylardan 30 pyshaq tabyldy
ALMATY. KAZINFORM — Almaty metrosynda jyl basynan beri 300-den astam tyıym salynǵan zat tárkilendi.
Qalalyq polıtsııa departamenti metrony kún saıyn 110 myńnan 130 myńǵa deıin jolaýshy paıdalanatyndyqtan, onyń aýmaǵynda qoǵamdyq tártip pen jolaýshylar qaýipsizdigin qamtamasyz etýge erekshe kóńil bólinetinin atap ótti.
Jyl basynan beri polıtsııa qyzmetkerleri júrgizgen tekserý nátıjesinde metropolıten aýmaǵyna tyıym salynǵan zattardy alyp ótpek bolǵan 310 azamat anyqtalǵan. Zańsyz aınalymnan 29 pyshaq, kastetke uqsas 62 zat jáne tórt oq-dári tárkilendi.
— Jolaýshylardyń qaýipsizdigin qamtamasyz etý maqsatynda metro stantsııalarynda zamanaýı beınebaqylaý júıesi jumys isteıdi. Qazirgi ýaqytta nysandarda 604 beınekamera ornatylǵan. Olardyń bir bóligi naqty ýaqyt rejıminde adamdy taný fýnktsııasymen jabdyqtalǵan, — dep habarlady departamentten.
Eske salaıyq, buǵan deıin Almaty metrosynda birqatar zatty alyp kirýge tyıym salyndy.
