Almaty metrosynda 14 jylda 200 mln jolaýshy tasymaldanǵan

ALMATY. KAZINFORM — Almaty ákimdigi qaladyq metropolıten 14 jyl ishinde 200 000 000 jolaýshyǵa qyzmet kórsetkenin habarlady.

Qala ákimdiginiń málimetinshe, kún saıyn metro qyzmetin 120 myńnan astam adam paıdalanady. Onyń úzdiksiz jumysyn 1 500-den astam maman qamtamasyz etedi.

— Búgin metropolıtenniń iske qosylǵanyna 14 jyl toldy. Osy ýaqyt ishinde ol qalanyń negizgi kólik túrleriniń birine aınalyp, jolaýshylarǵa jyldam, qaýipsiz jáne qolaıly qatynaýdy qamtamasyz etip keledi, — dep habarlady ákimdikten.

Sondaı-aq qala basshylyǵy jańa «Qalqaman» metro beketiniń qurylysy aıaqtalýǵa jaqyn ekenin habarlady.

Eske salaıyq, bıyl Almaty metrosy bir kúnde tasymaldanǵan jolaýshylar sany boıynsha rekord jańartty. Almatyda «Qaırat» — «Real Madrıd» matchy ótken kúni 142 932 jolaýshy tasymaldady.