Almaty metrosyn salý kezindegi qarjy jymqyrý: jańa tergeý bastaldy
ALMATY. KAZINFORM – «Metropolıten» KMK qyzmetkerlerine qatysty jańa sotqa deıingi tergeý bastaldy. Bul týraly Bas kólik prokýratýrasy málimdedi.
Qadaǵalaý organy kvazımemlekettik sektor kásiporyndarynyń bıýdjet qarajatyn jumsaý kezindegi zań buzýshylyqtardy anyqtaýdy jalǵastyryp jatyr.
«Tekseris qorytyndysy boıynsha «Metropolıten» KMK qyzmetkerleri lokomotıvterge arnalǵan bastapqy rezeńke serippelerdi 137 mln teńgege kóterilgen baǵamen satyp alǵan. Muny metropolıtenniń aýdıtorlyq esebi de rastady, osyǵan baılanysty kólik prokýratýrasy sotqa deıingi tergep-tekserýdi tirkedi, ony qazirgi ýaqytta Almaty qalasy boıynsha Sybaılas jemqorlyqqa qarsy qyzmet júrgizip jatyr», - delingen habarlamada.
Bas kólik prokýratýrasynyń málimetinshe, Qylmystyq protsestik kodekstiń 201-babyna sáıkes, tergeý múddesi úshin basqa aqparat taratýǵa jatpaıdy.
Aıta keteıik, Almaly aýdandyq sotynda megapolıstegi «Sary arqa» jáne «Baýyrjan Momyshuly» jańa metro stansalarynyń qurylysy kezindegi 5 mıllıard teńgeniń urlanýyna qatysty sot protsesi jalǵasyp jatyr.
