Almaty metrosy qashan qaıtadan júre bastaıdy
ALMATY. KAZINFORM — Almaty metropolıteni jolaýshylarǵa arnap málimet taratty.
Metro baspasóz qyzmetiniń málimetinshe, qaýipsizdikti qamtamasyz etý maqsatynda mamandar metro tonnelderinde tekserý jumysyn júrgizedi.
«Osy oraıda Almaty metropolıteni TJD jumys oryndaryna oralýǵa ruqsat etkennen keıin shamamen úsh saǵat kóleminde qaıta iske qosylady. Qazirgi kezde metro aýmaǵynda eshqandaı zaqym baıqalǵan joq, jolaýshylar syrtqa shyǵaryldy. Qosymsha aqparat TJD bergen nusqamaǵa sáıkes taǵy jarııalanady» dep habarlady metropolıten.
Tańerteń jer silkinisinen soń metro birden toqtaǵan bolatyn.
Eske salaıyq, búgin Almatyda 5 baldyq jer silkinisi boldy.
Almaty ákimdigi búkil jınalý pýnktileri ashyq ekenin málimdedi.
Polıtsııa kúsheıtilgen rejımge aýysyp, Almaty áýejaıy qalypty jumys istep tur.
TJM jedel jelini iske qosty.
Almaty TJD bastyǵy Nurlan Atyǵaev jer silkinisi qaıtalanýy múmkin ekenin eskertti.
