Almaty metropolıtenin salý kezinde 5 mlrd teńgeden astam qarjy urlanǵan - prokýratýra

Bas kólik prokýratýrasynyń keńeıtilgen alqa otyrysynda ótken  jyldyń jumysy qorytyndylandy. Onda Almaty qalasynyń metropolıtenin salý kezinde 5 mlrd teńgeden astam qarjyny jymqyrý deregin tergeý aıaqtalǵany belgili boldy, dep habarlaıdy Kazinform.

«Metropolıten» KMK, «Almatymetroqurylys» AQ laýazymdy tulǵalary men basqa da tulǵalarǵa qatysty 5 mlrd teńgeden astam somaǵa bıýdjet qarajatyn jymqyrý jáne Almaty qalasynyń metropolıtenin salý kezinde jalǵan shot-faktýralar jazyp berý derekteri boıynsha tergeý aıaqtaldy. Qylmystyq ismaterıaldary sotqa joldandy», - delinedi prokýratýranyń habarlamasynda.

Aıta keteıik, «Metropolıten» KMK-da 5 mlrd teńge jymqyrý deregi boıynsha tergeý 2023 jyly 28 tamyzda aıaqtaldy. Tergeý nusqasy boıynsha kúdiktiler Almaty qalasynyń jańa metropolıten jelisin salý kezinde úlken basqarý fýnktsııalaryna ıe bolǵan. Dál osy ókilettikter olarǵa qylmystyq jaǵdaı jasap, 5 mlrd teńgeni urlaýǵa múmkindik bergen. Ol úshin olar jalǵan baǵa usynystaryn jınaýdy uıymdastyrǵan jáne sonyń negizinde jabdyqty baǵadan 10 ese joǵary baǵamen satyp alý smetasy jasalǵan. Keıin urlanǵan aqshalar jalǵan kásiporyndar arqyly qolma-qol aqshaǵa aınalyp otyrǵan. 

Urlanǵandy qaıtarý úshin qymbat úsh páter, Almatydaǵy ofıstik keńse, Almaty oblysynda jer ýchaske, lıýks avtokólikter, brendti saǵattar jáne kúdiktilerdiń basqa da aktıvterine arest salyndy.