Almaty meshitterinde urlyq jasaǵan kúdikti ustaldy
ALMATY. KAZINFORM – Qalanyń krımınaldyq polıtsııasy 4 tonaý jáne 3 kólik urlyǵy faktisi boıynsha 24 jastaǵy Almaty oblysynyń turǵynyn tutqyndady.
Almaty qalalyq krımınaldyq polıtsııasynyń málimetine sáıkes, kúdikti meshitterde uıaly telefondardy jasyryn túrde urlap, qalanyń tómengi bóliginde bóten adamdardyń kólikterin aıdap ketip otyrǵan.
«Qaskóı Almaty mańyndaǵy kompıýterlik klýbtardyń birinde ustaldy. Ol urlaǵan kólikter tabyldy jáne ıelerine qaıtaryldy. Sotqa deıingi tergeý satysynda kúdiktiniń 7 qylmysqa qatysy bar ekeni belgili boldy. Sondaı-aq onyń osyǵan uqsas zańsyz áreketterge qatysy bar-joǵy tekserilýde», - dedi Almaty qalalyq PD Krımınaldyq polıtsııa basqarmasynyń bastyǵy, polıtsııa polkovnıgi Maqsat Qanapıaev.
Aıta ketken jón, QR QK-niń 201 babyna sáıkes ózge aqparat tergeý múddesine oraı jarııa etilmeıdi. QR Konstıtýtsııasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.
