Almaty men Jezqazǵanda aýa lastanady

ASTANA. KAZINFORM – Búgin elimizdiń eki qalasynda jaısyz metorologııalyq jaǵdaı qalyptasyp, aýa lastanady, dep habarlaıdy Qazgıdromet.

- 2025 jylǵy 19 naýryzda Jezqazǵan, Almaty qalalarynda aýanyń lastanýynyń qolaısyz meteorologııalyq jaǵdaılary kútiledi, - delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Buǵan deıin Óskemende aýa sapasyn baqylaıtyn 25 beket ornatylatynyn jazǵanbyz.