Almaty men Varshava arasynda keler jyly tikeleı reıs ashylady

ALMATY. KAZINFORM — Polshanyń ulttyq áýe tasymaldaýshysy LOT Polish Airlines jańa Varshava — Almaty — Varshava baǵytyn iske qosatynyn habarlady.

Almaty halyqaralyq áýejaıy baspasóz qyzmetiniń málimetinshe, alǵashqy reıs 2026 jyly 31 mamyrda oryndalmaq.

Reıster jazǵy maýsymda aptasyna tórt ret (seısenbi, beısenbi, senbi jáne jeksenbi kúnderi) jáne qysqy maýsymda aptasyna úsh ret (dúısenbi, sársenbi jáne juma kúnderi) qatynaıdy.

Ushý ýaqyty Varshavadan shamamen 6,5 saǵat, al keri baǵytta shamamen 7,5 saǵat bolady. Reıster Boeing 737 MAX 8 áýe kemelerinde oryndalady.

LOT Polish Airlines (Polsha áýe jelileri) — 1929 jyly qurylǵan Polshanyń ulttyq áýe tasymaldaýshysy. Kompanııa álemdegi eń iri jáne bedeldi — Star Alliance halyqaralyq avıatsııalyq alıansynyń múshesi.

Eske salaıyq, buǵan deıin 2026 jylǵy naýryzda Air Astana áýe kompanııasy Almaty men Tokıo arasyndaǵy jańa tikeleı áýe qatynasyn iske qosatynyn habarlaǵanbyz.