Almaty men taǵy eki qalada aýa sapasy nasharlaıdy — Qazgıdromet

ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady. 

— 2025 jylǵy 24 jeltoqsanda Almaty, Pavlodar, Óskemen qalalarynda aýanyń lastanýynyń qolaısyz meteorologııalyq jaǵdaılary boljanǵan, — delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Búgin elimizdiń basym bóliginde soltústik-batys tsıklon jáne onymen baılanysty atmosferalyq frontaldy bólikterdiń yqpaly saqtalady.

Aıta keteıik, buǵan deıin bıyl Jer sharynda klımat qalaı ózgergeni týraly jazdyq.