Almaty men Shveıtsarııa arasyndaǵy saýda aınalymy 303 myń dollardy qurady
ASTANA. KAZINFORM — Almaty qalasynyń ákimi Darhan Satybaldy Shveıtsarııa Parlamentiniń depýtattarynan quralǵan delegatsııamen kezdesti. Bul týraly qala ákimdiginiń baspasóz qyzmeti habarlady.
Kezdesý barysynda yntymaqtastyqty damytý jáne seriktestik qatynastardy keńeıtý máseleleri talqylandy. Delegatsııa quramynda Iozef Dıtlı, Fıllıp Lombardı, Marko Keza, Erık Nýsbaýmer jáne basqa da parlament ókilderi boldy.
Darhan Satybaldy atap ótkendeı, Almaty — Qazaqstannyń eń iri qarjy ortalyǵy. Munda bank aktıvteri men saqtandyrý naryǵynyń eleýli bóligi shoǵyrlanǵan. Qalanyń ekonomıkasynyń negizgi baǵyttary — qyzmet kórsetý, saýda jáne shaǵyn bıznes.
2025 jyldyń qańtar–tamyz aılarynda Almaty men Shveıtsarııa arasyndaǵy saýda aınalymy 303 myń AQSh dollaryn qurady. Depýtattar tabıǵı erekshelikteri men týrızm jáne fınteh salalaryndaǵy áleýeti turǵysynan Almatynyń Lýgano qalasyna uqsastyǵyn atap ótti.
Taraptar qalalyq ınfraqurylymdy damytý, ornyqty damý jáne ınnovatsııalyq tehnologııalar salalarynda yntymaqtastyqty jalǵastyrýǵa nıet bildirdi.
Aıta keteıik, Jasandy ıntellekt mınıstrligi startaptardy damytýǵa $1 mlrd ınvestıtsııa salady.