Almaty men Ystyqkól arasyna tóte jol salýǵa Azııa damý bankinen qaryz alynýy múmkin

ASTANA. KAZINFORM – Qyrǵyz Respýblıkasy men Qazaqstan Almaty men Ystyqkól arasynda tóte jol salý úshin Azııa damý bankinen qaryz alýy múmkin.

Алматы мен Ыстықкөл арасына төте жол салуға Азия даму банкінен қарыз алынуы мүмкін
Фото: Солтан Жексенбеков / Kazinform

Bul týraly Kólik mınıstri Marat Qarabaev eki el Úkimet basshylarynyń elordadaǵy kezdesýinen keıin aıtty.

- Eki arada taǵy bir úlken másele talqylanyp jatyr. Bul – Almatydan Ystyqkólge salynatyn tóte jol. Qazirgi Almatydan Ystyqkólge barý úshin 460 shaqyrym jol júrý kerek bolsa, endi Uzynaǵashtan ári qaraı arnaıy jol salý kózdelip otyr. Ol joldyń jalpy uzyndyǵy 90 shaqyrym bolady, - dedi ol BAQ ókilderine bergen málimetinde.

Aıtýynsha, ár tarap óz jaǵyndaǵy joldyń qurylysyn ózi qarjylandyrmaq.

- Ol joldy salýǵa Azııa damý bankin tartyp otyrmyz. Sol Azııa damý bankimen birge jol qurylysynyń tehnıkalyq-ekonomıkalyq negizdemesin bıyl bastaımyz. Árıne, Qyrǵyz taraby óz jaǵyndaǵy joldy qarjylandyrady, biz óz jaǵymyzdaǵy joldy qarjylandyramyz, - dedi vedomstvo basshysy.

Eske salsaq, Kólik mınıstri Marat Qarabaev Úkimet otyrysynan keıin ótken baspasóz máslıhatynda Almatynyń aınalma jolymen júrý aqysy nege qymbattaǵanyn túsindirgen edi

Сейчас читают