Almaty men Inchhon arasynda jańa reıs qatynaıdy

ASTANA. KAZINFORM — Ońtústik Koreıanyń áýekompanııasy Inchhon men Almaty arasynda jańa reıs ashady.

- Marshrýttyń iske qosylýy elimizdiń tartymdylyǵynyń artýyn jáne óńirdegi damyp jatqan týrıstik baǵyt retinde pozıtsııalardyń nyǵaıýyn kórsetedi, - dep jazdy Kazakh Tourism ulttyq kompanııasynan.

2025 jyldyń 7 sáýirinen bastap Inchhon-Almaty baǵytyndaǵy reıster aptasyna 2 ret oryndalady: dúısenbi jáne juma kúnderi. Ońtústik Koreıadan ushý ýaqyty - 19:30, Qazaqstanǵa 22:45-te keledi.

Keri reıs Almatydan saǵat 23:45-te attanady jáne kelesi kúni saǵat 9:50-de Inchhon qalasyna jetedi. Bul - Eastar Jet áýekompanııasy úshin eń uzyn baǵyttardyń biri.

Bıletter quny 199 000 vonnan bastalady. Reıster B737-8 áýe kemelerinde júzege asyrylady. 

Ótken jyly Ońtústik Koreıadan bizdiń elge kelýshiler qatary 10%, 40,2 myńǵa jýyq adamdy qurady. Ońtústik Astana halyqaralyq týrıster úshin suranysqa ıe baǵytqa aınalýda. 

Buǵan deıin Astana – Delı baǵyty boıynsha jańa reıs ashylatyny habarlanǵan.