Qazaqstan men Katar arasynda kúnine 2 ret ushaq qatynaıtyn boldy
Endi Almaty men Doha qalalary arasynda ushaq kúnine eki ret qatynaıtyn boldy, dep habarlaıdy QazAqparat Azamattyq avıatsııa komıtetiniń baspasóz qyzmetine silteme jasap.
26-27 shildede Qazaqstan men Katardyń avıatsııalyq bılikteri arasynda ótken kelissózderdiń barysynda elder arasyndaǵy reıster sany ulǵaıtyldy. Atalǵan kelissózderdiń nátıjeleri boıynsha Qatar Airways qol jetkizilgen ýaǵdalastyqtarǵa súıene otyryp, Almaty–Doha baǵyty boıynsha tikeleı turaqty jolaýshylar reısteriniń sanyn 2023-2024 jyldary kúzgi-qysqy kezeńnen bastap aptasyna 7-den 14 esege deıin (kúnine 2 reıs) ulǵaıtýdy josparlap otyr.
Sonymen qatar, Qatar Airways jaqyn arada eki eldiń astanalary arasynda áýe reısterin ashý máselesin qarastyrýda.
Qazaqstan men Katar arasyndaǵy áýe reıster sanynyń artýy elder arasyndaǵy týrızm, ınvestıtsııalyq, iskerlik jáne mádenı yntymaqtastyqty odan ári damytýǵa yqpal etetin bolady.
