Almaty men Atyraýda aýa lastanady

ASTANA. KAZINFORM – Búgin Qazaqstannyń eki qalasynda jaısyz meteorlogııalyq jaǵdaı qalyptasyp, aýa lastanady, dep habarlaıdy «Qazgıdromet».

- 2025 jylǵy 12 tamyzda qolaısyz meteorologııalyq jaǵdaılar Almaty, túnde Atyraý qalalarynda kútiledi,- delingen habarlamada.

Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.

Osyǵan deıin Óskemende AES mamandaryn daıarlaıtyn jańa bilim berý baǵdarlamasy iske qosylatyny týraly jazdyq.