Almaty men Astana turǵyn úı saýdasy boıynsha kósh bastady
ASTANA. KAZINFORM – 2026 jylǵy shilde aıynda turǵyn úıdi alyp-satý boıynsha 37 158 mámile tirkelgen.
2026 jylǵy maýsymmen salystyrǵanda (39 053) mámileler sany 4,9%-ǵa azaıdy. Mámileler sany boıynsha Almaty (7 263 — 19,5%) jáne Astana (6 999 — 18,8%) qalalary, sonymen qatar, Qaraǵandy oblysy (2 688 — 7,2%) kósh bastap tur. Ulytaý oblysynda eń az kórsetkish — 311 mámile (0,8%) tirkelgen.
2026 jylǵy maýsymmen salystyrǵanda eń joǵarǵy ósim Shymkent (+14,2%) qalasynda, Batys Qazaqstan (+14%) jáne Jambyl (+11,5%) oblystarynda tirkeldi. Eń úlken tómendeý Mańǵystaý (-33,7%), Qaraǵandy (-28,7%) jáne Túrkistan (-22,4%) oblystarynda oryn aldy.
Kóppáterli úılerdegi turǵyn úı mámileler sany 2026 jylǵy maýsym aıymen salystyrǵanda 2,9% (857) azaıdy. 2026 jyldyń shilde aıynda páterler boıynsha barlyǵy 28 575 mámile jasaldy (jalpy sanynyń 76,9%). Kóppáterli úılerdegi turǵyn úı saýdasynyń negizgi úlesi Astana (24%), Almaty (23,4%) qalalaryna jáne Qaraǵandy oblysyna (7,8%) tıesili. Bólmeler sany boıynsha 2 bólmeli páterler satylymy basym boldy — 11 056 mámile.
2026 jylǵy maýsymmen salystyrǵanda shildede jeke turǵyn úıler boıynsha mámileler sany da 10,8% (1 038) kemidi. Shildede barlyǵy 8 583 mámile tirkelgen. Jeke turǵyn úıler boıynsha eń joǵarǵy ósim Jambyl (9,9%), Jetisý (7,3%) oblystarynda jáne Shymkent (5,3%) qalasynda tirkeldi. Mámileler sany boıynsha eń joǵarǵy tómendeý Mańǵystaý (-49%), Ulytaý (-47%) jáne Qaraǵandy (-32,9%) baıqaldy.
2026 jylǵy shildede turǵyn úıdi alyp-satý mámileleri aldyńǵy jyldyń tıisti aıymen salystyrǵanda 6,5% azaıdy (39 742-den 37 158 deıin). Al eń joǵary ósim Ulytaý (+25,9%) oblysynda baıqaldy, eń úlken tómendeý — Qyzylorda (-21,4%) oblysynda2026 jylǵy qańtar–shilde aılaryndaǵy mámileler sany 2025 jylǵy qańtar–shilde aılarymen salystyrǵanda 2,6%-ǵa tómendedi.
Aıta ketelik elde turǵyn úıdi jalǵa alý baǵasy qaı óńirde qandaı ekenin jazǵan edik.
