Almaty men Almaty oblysynyń basym bóliginde jaryq óshti
ALMATY. KAZINFORM – Almaty qalasy men Almaty oblysynyń turǵyndary bir mezette jaryqsyz qaldy.
«Alataý Jaryq Kompanııasy» AQ málimetinshe, 2026 jyldyń 14 tamyzynda saǵat 14:38-de «KEGOC» AQ-ǵa tıesili 500 kV L-5400, L-5300 ı L-5320 áýe elektr jelilerindegi apatqa baılanysty jaryqty sónýine baılanysty “AJK” jelilerinde apatqa qarsy qarsy avtomatty júıe iske qosylǵan. Nátıjesinde Almaty qalasy men oblystyń tutynýshylaryna elektr energııasyn berý toqtatyldy.
Almaty qalasynyń 4 aýdanynda jaryq óshti:
* Bostandyq aýdany;
* Naýryzbaı aýdany;
* Áýezov aýdany;
* Alataý aýdany.
Sondaı-aq Almaty oblysynyń kelesi aýdandarynda elektr energııasy joq:
* Jambyl aýdany;
* Qarasaı aýdany;
* Eńbekshiqazaq aýdany;
* Raıymbek aýdany;
* Uıǵyr aýdany;
* Іle aýdany;
* Kegen aýdany;
* Talǵar aýdany;
* Balqash;
* Esik;
Qazirgi ýaqytta «Alataý Jaryq Kompanııasy» AQ qyzmetkerleri tutynýshylardy elektr energııasymen qamtamasyz etýdi qalpyna keltirý úshin jumys istep jatyr.
Eske salaıyq, ótken aıda Almatyda aptap ystyqtan elektr energııasy jappaı óshken bolatyn.
