Almaty men Almaty oblysynda uıymdasa esirtki taratqandar ustaldy

ALMATY. KAZINFORM – Almatynyń esirtki qylmysyna qarsy kúres basqarmasy jedel-izdestirý is-sharalarynyń nátıjesinde zańsyz esirtki aınalymyn anyqtady. 

Almaty polıtsııasynyń málimetinshe, qala aýdandarynyń birinde er adamdy tintý kezinde odan mefedron esirtkisi tabylǵan. Keıin onymen sybaılas ekinshi kúdikti de anyqtalyp, arnaıy jasaqtyń qoldaýymen Almaty oblysynda ustaldy. 

– Tintý kezinde qosymsha aıǵaqtar, sonyń ishinde elektrondy qurylǵylar men psıhotroptyq sanatyna jatatyn zattar tárkilendi. Atalǵan derek boıynsha sotqa deıingi tergeý amaldary júrgizilip jatyr. Kúdiktiler ýaqytsha ustaý ızolıatoryna qamaldy, - dep habarlady polıtsııa.

Eske salaıyq, buǵan deıin Almatynyń Arbatynda masań kúıde jasóspirimder jatqanyn jazǵanbyz.