Almaty men Almaty oblysynda aýyzsý berý ýaqytsha toqtatylady
Jolaıyryq qurylysyna baılanysty keler aptada Almaty qalasy men Almaty oblysy aýmaǵynda turǵyn úı alaptary sýyq sýdan ajyratylady, dep habarlaıdy QazAqparat tilshisi.
Kólik jolaıyryǵy Buqtyrma kóshesi men Qulja tasjoly qıylysynda salynyp jatyr. "Almaty sý" kásipornynyń málimetinshe, qurylys oryndarynyń astymen sý qubyrlary tartylatyn bolady.
Osyǵan baılanysty Almaty qalasy men Almaty oblysynda úsh kezeńmen aýyzsý berý ýaqytsha toqtatylady.
Birinshi kezeńde 9 qazan saǵat 00:00-den 10 qazan saǵat 22:00-ge deıin:
- Túrksib aýdany, Qaırat shaǵynaýdany, "Nurshashqan" shaǵyn aýdany;
- Medeý aýdany Medey city, Family Comfort turǵyn úı kesheni;
- Almaty oblysynyń Talǵar aýdany, Belbulaq, Gúldala, Lých Vostoka, Tuzdybastaý, Túzýsaı, Birlik, Besaǵash kentteri, onyń ishinde "Nurııa", "Dostar", "Alma Taý", "Besaǵash", Hayat Apartaments, Ashyq Tobe turǵyn úı keshenderi;
- Qulja tasjolynyń boıynda ornalasqan kommertsııalyq nysandar (tamaqtaný oryndary, bazarlar, avtosalondar jáne taǵy basqasy);
- Atyraý 1, 2, 3 shaǵynaýdandarynda sý qysymy tómendeıdi.
Ekinshi kezeńde 12 qazan saǵat 00:00-den 13 qazan saǵat 22:00-ge deıin:
- Túrksib aýdany, Nomad city TK;
- Medeý aýdany Medey city, Family Comfort TK;
- Almaty oblysynyń Talǵar aýdany, Belbulaq, Gúldala, Lých Vostoka, Tuzdybastaý, Túzýsaı, Birlik, Besaǵash kentteri, onyń ishinde "Nurııa", "Dostar", "Alma Taý","Besaǵash", Hayat Apartaments, Ashyq Tobe turǵyn úı keshenderi;
- Qulja tasjoly boıyndaǵy kommertsııalyq nysandar (tamaqtaný oryndary, bazarlar, avtosalondar jáne taǵy basqasy);
- Atyraý -1, 2, 3 shaǵynaýdandarynda sý qysymy tómendetiledi.
Úshinshi kezeńde 16 qazan saǵat 00:00-den 17 qazan saǵat 22:00-ge deıin aýyzsý berý toqtatylady:
- Túrksib aýdany, "Nurshashqan" shaǵynaýdany, Nomad city TK;
- Almaty oblysy, Talǵar aýdany "Aspan Sıtı" TK.
Eske salaıyq, keshe Almatyda Buqtyrma kóshesi men Qulja tasjoly qılysynda 4 jolaqty qozǵalysy bar avtotonnel ashyldy. Joba Buqtyrma kóshesi boıymen avtokóliktiń ótý qabiletin 15%, Qulja tasjolynda 20% arttyrýǵa múmkindik beredi
