Almaty Memlekettik qýyrshaq teatry alǵash ret Frantsııa festıvaline qatysady
ALMATY. KAZINFORM – Almaty Memlekettik qýyrshaq teatry Frantsııada ótetin zamanaýı teatr óneriniń eń aýqymdy sharalarynyń biri - «Off Avignon» halyqaralyq festıvaline qatysýǵa joldama aldy.
Tarıhy 1947 jyldan bastaý alatyn álemdegi eń bedeldi ári kórnekti mádenı shara Frantsııa memleketi Avınon qalasynda jyl saıyn ótedi. Qazaqstan atynan baratyn Almaty Memlekettik qýyrshaq teatry festıvali aıasynda Ýılıam Shekspırdiń klassıkalyq týyndysy «Romeo men Djýletta» spektaklin «LaScierie» teatry sahnasynda usynady. Spektakl rejısseri - Dına Jumabaı.
- «Off Avignon» festıvaline qatysý Almaty qýyrshaq teatrynyń tarıhyndaǵy aıtýly beles, ulttyq qýyrshaq ónerin álemdik deńgeıde tanystyrýǵa taptyrmas múmkindik. Biz klassıkalyq shyǵarma Ýılıam Shekspırdiń «Romeo men Djýletta» tragedııasyn qýyrshaq tilimen jańasha túrlendirip usyndyq. Spektaklde akterlik sheberlik pen kórkem qýyrshaq plastıkasy úılesim taýyp, kórermenge jańa estetıkalyq áser syılaıdy. Spektakl ótken ǵasyrdaǵy otbasy tarıhyn ǵana emes, sonymen qatar búgingi tańdaǵy ózekti máselelerdi qamtı kele, máńgilik óshpes taqyryptardy tereńinen qozǵaıdy. Bul sapar bizdiń ujym úshin úlken jaýapkershilik ári shabyt kózi, - dedi Memlekettik qýyrshaq teatrynyń dırektory Almat Amangeldi.
Eske salaıyq, buǵan deıin Almaty qýyrshaq teatry Kanadada ótken halyqaralyq teatr festıvaliniń bas júldesin jeńip aldy.
