Almaty mektepterindegi terrorıstik akt týraly aqparat shyndyqqa janaspaıdy - polıtsııa
ALMATY. KAZINFORM – Áleýmettik jelilerde Almaty qalasynyń mektepterine terrorıstik shabýyl daıyndalyp jatqany týraly aqparat tarady.
Qalalyq polıtsııa departamenti resmı málimdeme jasap, bul aqparatty joqqa shyǵardy.
- Atalǵan málimet shyndyqqa sáıkes kelmeıdi - feık. Qazirgi ýaqytta qaladaǵy bilim berý uıymdaryndaǵy ahýal tolyq baqylaýda. Polıtsııa jáne ózge de jedel qyzmetter kúsheıtilgen rejımde jumys istep jatyr, balalar men pedagogterdiń qaýipsizdigin qamtamasyz etý úshin barlyq qajetti sharalar qabyldandy, - dep habarlady polıtsııadan.
Sonymen qatar polıtsııa jalǵan aqparatty taratý deregi boıynsha jedel-izdestirý sharalary bastalǵanyn málimdedi. Feıktiń taralýyna qatysy bar tulǵalar qoldanystaǵy zańnamaǵa sáıkes jaýapkershilikke tartylmaq.
Eske salaıyq, Aqtóbede qatty jel kezinde mekteptiń shatyry ushyp ketti.