Almaty mektepterinde oryn tapshylyǵy qashan azaıady

Almaty qalasynyń ákimi Erbolat Dosaev 2025 jylǵa qaraı mektepterde oryn tapshylyǵy azaıatynyn, bul úshin qandaı sharalar qolǵa alynǵanyn málim etti, dep habarlaıdy Kazinform.

«Bıyl búkil respýblıka boıynsha «Jaıly mektep» ulttyq jobasyn iske asyrý bastaldy. Almatyǵa kelsek, 2024-2025 jyldary 37 100 oryndyq 22 mektep ashý josparlanǵan. Qazirgi ýaqytta 23 100 oryndyq 13 mekteptiń qurylysyn bastaý týraly memorandýmǵa qol qoıyldy, sondaı-aq 12 myń oqýshyǵa arnalǵan 8 mekteptiń qurylysy men satyp alýyna jeke ınvestorlarmen memorandýmdar bekitildi. Oǵan qosa, memlekettik-jekeshelik áriptestik qaǵıdatymen 2 myń oryndyq bir mektep salynady», – dedi E. Dosaev Ortalyq kommýnıkatsııalar qyzmetinde ótken baspasóz brıfınginde.

Almaty ákiminiń aıtýynsha, 2025 jyldyń 1 qyrkúıegine qaraı oqýshy oryndarynyń tapshylyǵy basqarylatyn deńgeıge deıin tómendetiledi.

«Bıylǵy oqý jylynda memlekettik mektepterde bir aýysymdyq rejımge belsendi kóshýdi bastaımyz dep oılaımyz», – dep tolyqtyrdy Erbolat Dosaev.

Sonymen birge megapolıs ákimi bıylǵy jyl basynan 5 920 oqýshyǵa eseptelgen 21 mektep jáne qosymsha qurylys paıdalanýǵa berilgenin aıtty. Onyń ishinde 3 450 oryndyq 16 jekemenshik mektep, 1,5 myń oryndyq 1 memlekettik mektep jáne 970 oryndyq 4 qosymsha ǵımarat bar.

Bıyl 1 qyrkúıekten bastap alǵash ret 30 mektepte «Mektep avtobýsy» jobasy iske qosyldy. Ol úshin 100 avtobýs satyp alynǵan.