Almaty mektepterinde muǵalimderge kómekshi retinde jasandy ıntellekt qoldanylady
ALMATY. KAZINFORM –Almatyda 2024-2025 oqý jylynyń qarsańynda «Digital Kazakhstan: jańa zamandaǵy bilim berý» taqyrybynda pedagogterdiń qalalyq tamyz sammıti ótti.
Pedagogtar sammıtinde Almaty qalasynyń ákimi Erbolat Dosaev qaladaǵy barlyq mektep oqýshylary qosylǵan TopIQ.kz platformasy arqyly «Jeńil portfel» jobasy sátti júzege asqanyn málimdedi.
Onyń aıtýynsha, tsıfrlyq oqýlyqtardy engizý jańarǵan aqparatqa jyldam qoljetkizýge jáne oqý materıaldaryn túsinýdi jaqsartatyn ınteraktıvti elementterdi qamtýǵa múmkindik berdi.
– Oqýshylardyń damýyna kómektesý úshin jańa oqý jylynda jasandy ıntellekt negizinde «vırtýaldy repetıtor» engizý josparlanyp otyr. Pılottyq joba sátti bolsa, jappaı qoldanysqa engizilýi múmkin, - dedi Erbolat Dosaev.
Eske salaıyq, Almaty oblysynda jańa oqý jylynda 350 myńnan astam bala bilim alady.
