Almaty mektepterinde 30 myń oqýshy orny jetispeıdi
ALMATY. KAZINFORM – Almatyda bilim sapasy men balalardyń qaýipsizdigi jóninde memlekettik mektep dırektorlarymen keńes ótti.
Onda bilim sapasyn arttyrý, balalardyń qaýipsizdigin qamtamasyz etý, qarjylyq tártipti saqtaý jáne bilim berý uıymdarynyń jańa oqý jylyna daıyndyq máselesin qaraldy.
Qala ákimdiginiń málimetinshe, megapolıste 360 orta bilim berý uıymy jumys isteıdi. Onda 357 myńnan astam oqýshy bilim alady. Bilim berý úderisin shamamen 30 myń pedagog qamtamasyz etedi. 2026 jyly bilim salasyn damytýǵa 434 mlrd teńge bólingen, bul qala bıýdjetiniń 15,4%-y.
- Qazirgi ýaqytta qalada shamamen 30 myń oqýshy orny jetispeıdi. Qajettilik kartasy aıasynda 2030 jylǵa deıin jalpy syıymdylyǵy 105 myńnan astam oryn bolatyn 69 mektep salý josparlanǵan. 2025 jyly 40 myń oryndyq 37 bilim berý nysany paıdalanýǵa berildi, onyń ishinde «Keleshek mektepteri» ulttyq jobasy aıasynda salynǵan jańa mektepter bar, - dep habarlady ákimdikten.
Sondaı-aq qaladaǵy 159 memlekettik mektepte jalpy somasy 3,6 mlrd teńgege aǵymdaǵy jóndeý jumystary júrgizilip jatqany atap ótildi.
Eske salaıyq, «Keleshek mektepteri» jazǵy lagerlerinde balalar dron basqarý men IT negizderin meńgerip jatyr.
