Almaty mektepterinde 15 myńǵa jýyq beınebaqylaý kamerasy ornatylǵan

ALMATY. KAZINFORM – Jalpy bilim beretin mektepterde oqýshylardyń qaýipsizdigin qamtamasyz etýmen 30 jeke kúzet uıymy aınalysady. Bul týraly Almaty qalalyq Polıtsııa departamentti habarlady.

«Qala mektepterine 14 866 beınebaqylaý kamerasy men «dabyl batyrmalary» ornatyldy. Barlyq beınekamera jedel basqarý ortalyǵy júıesine qosylǵan», - delingen habarlamada.

Mektepterde oqýshylardyń qaýipsizdigin qamtamasyz etýmen 30 jeke kúzet uıymy aınalysady, olardyń qyzmetin departament qadaǵalap, baqylap otyrady.

«Arnaıy komıssııa múshesi kámeletke tolmaǵandardyń múddesi úshin ártúrli derekter boıynsha 326 materıal qarady. Óz mindetin durys atqarmaǵan 40 adam ata-analyq quqyǵynan aıyryldy. 1 337 ata-ana balalardy tárbıeleý jónindegi mindetterdi tıisinshe oryndamaǵany úshin ákimshilik jaýapkershilikke tartyldy», - dep atap ótti vedomstvodan.

Osyǵan deıin Almatyda «maýglı» balalardyń anasy ata-ana quqyǵynan aıyrylǵany týraly jazǵan edik. 3, 6 jáne 7 jasar bala maskúnem anasymen antısanıtarııa jaǵdaıynda ómir súrip kelgen.