Almaty mektepteri jańa platformada qalady: sot Kundelik-tiń ótinishin qanaǵattandyrmady
ALMATY. KAZINFORM – 2026 jylǵy 14 qańtarda Almatynyń mamandyrylǵan aýdanaralyq ekonomıkalyq sotynyń uıǵarymy boıynsha 2026 jylǵy 13 qańtardaǵy uıǵarymda ketken qateler túzetildi.
Atap aıtqanda, 2026 jylǵy 14 qańtardaǵy MAES-tiń jańa uıǵarymyna sáıkes, sot talap qoıýshynyń talapty qamtamasyz etý sharalaryn qoldaný týraly ótinishin qanaǵattandyrýdan bas tartty.
Osylaısha, sot «Kúndelik» JShS-niń Almaty qalasynyń bilim berý uıymdarynyń BilimClass platformasyna kóshýine qandaı da bir shekteýler qoıý týraly ótinishin qabyldamady.
Aıta keteıik, sottyń bul uıǵarymyn 10 jumys kúni ishinde Almaty sotynda daýlaýǵa bolady.
Eske salaıyq, 13 qańtarda Almatynyń mamandandyrylǵan aýdanaralyq ekonomıkalyq soty qalalyq bilim basqarmasyna, sondaı-aq oǵan qarasty aýdandyq bólimderge, mektepter men bilim berý uıymdaryna BilimClass platformasyna nemese «Kúndelik» avtomattandyrylǵan júıesiniń ornyna ózge de aqparattyq júıelerge kóshýge, engizýge, aýystyrýǵa, testileýge nemese pılottyq rejımde paıdalanýǵa baǵyttalǵan kez kelgen áreketterdi jasaýǵa tyıym salǵan edi.
Buǵan deıin Bilim Group qazirgi ýaqytta Almatydaǵy 225 mektep BilimClass platformasynda shtattyq rejımde jumysyn jalǵastyryp jatqanyn málimdedi. Kompanııa dereginshe, oqý úderisi úzdiksiz júrip jatyr, al derekterdiń saqtalýy men paıdalanýshylardyń aqparattyq qaýipsizdigi tolyq kólemde qamtamasyz etilgen.
Jyl basynan beri qoǵamda Almatydaǵy jalpy bilim beretin mektepterdiń Kundelik tsıfrlyq bilim berý platformasynan BilimClass júıesine kóshýi qyzý talqylanyp jatyr. Kazinform agenttigi tilshisi osy máseleniń mán-jaıyn anyqtaýǵa tyrysty.
