Almaty máslıhatynyń depýtaty ókilettigin merziminen buryn toqtatty

ALMATY. KAZINFORM — Almaty qalasy máslıhatynyń depýtaty Nursultan Shoqanov óz erkimen ókilettigin merziminen buryn toqtatty.

Bul týraly sheshim qalalyq máslıhattyń kezekten tys XXXV sessııasy barysynda qabyldandy.

— Nursultan Shoqanov «Atameken» ulttyq kásipkerlik palatasy tóraǵasynyń orynbasary bolyp taǵaıyndaldy. QR Jergilikti memlekettik basqarý jáne ózin-ózi basqarý týraly zańyna jáne Almaty qalasv máslıhatynyń depýtaty Nursultan Shoqanovtyń jeke ótinishe sáıkes máslıhat depýtatynyń ókilettigi merziminen buryn toqtatý týraly sheshim shyǵaryldy, — dedi máslıhat tóraǵasy Meıirjan Otynshıev.

Eske salaıyq, buǵan deıin Amanat partııasynan saılanǵan Almaty qalalyq máslıhatynyń depýtaty Ramazan Bekbol óz erkimen ókilettigin merziminen buryn toqtatty.

Odan buryn Qazaqstan halyq partııasynan saılanǵan Almaty qalalyq máslıhatynyń depýtattary Vladımır Vlasov pen Nazerke Mýndahanova ókilettikterin merziminen buryn toqtatty.