Almaty máslıhatyna jańa depýtat saılandy
ALMATY. KAZINFORM – Qazaqstan Respýblıkasynyń «Saılaý týraly» Zańyna sáıkes, Amanat partııasynyń tizimi boıynsha Almaty qalasy máslıhatynyń depýtattyq bos mandaty Dosbol Jylqybaevqa berildi.
Keshe qalalyq máslıhattyń kezekten tys sessııasy barysynda Amanat partııasynan saılanǵan depýtat Igor Protsenkonyń ókilettigi jeke ótinishine boıynsha merziminen buryn toqtatyldy.
Búgin onyń ornyna qazaqstandyq kásipker jáne qoǵam belsendisi Dosbol Jylqybaev saılandy. Ol 1984 jyly 27 qyrkúıekte Jambyl oblysy Sarysý aýdanynda dúnıege kelgen. Ál-Farabı atyndaǵy Qazaq ulttyq ýnıversıtetin «quqyqtaný» jáne «keden isi» mamandyqtary boıynsha támamdaǵan.
2020 jyldan bastap «AMANAT» partııasynyń múshesi. Buǵan deıin VII shaqyrylymdaǵy Jambyl oblystyq máslıhatynyń depýtaty retinde kásipkerlikti qoldaý, qurylys, kólik jáne turǵyn úı-kommýnaldyq sharýashylyq máseleleri jónindegi komıssııa quramynda jumys atqarǵan.
Eske salaıyq, keshe máslıhat sessııasy barysynda Almatyda tólenetin keı áleýmettik tólem túrleri alynyp tastaldy.
