Almaty máslıhatyna jańa depýtat saılandy
ALMATY. KAZINFORM — Almaty qalasy máslıhaty depýtatynyń mandaty Dáýren Ádilmyrzauly Maralovqa berildi.
Dáýren Maralov 1980 jyldyń 20 sáýirinde Almaty qalasynda dúnıege kelgen. 2001 jyly Ál-Farabı atyndaǵy Qazaq ulttyq ýnıversıtetin támamdaǵan. Eńbek jolyn 2002 jyly agro-azyq-túlik salasynda bastap, «Almatylyq un kombınaty» JShS-yn basqarǵan. 2010–2015 jyldary munaı óńdeý salasynda eńbek etken.
2015–2024 jyldar aralyǵynda elimizdegi iri agroónerkásiptik kásiporyndardyń biri — «Altyn Dıirmen» AQ prezıdenti qyzmetin atqardy. 2024–2025 jyldary «Qazaqtelekom» AQ fılıalyna qarasty Servıstik fabrıkasynyń bas dırektory boldy. Qazirgi tańda «Altyn Dıirmen» AQ dırektorlar keńesiniń tóraǵasy qyzmetin atqarady.
Eske salaıyq, Amanat partııasynan saılanǵan Almaty qalalyq máslıhatynyń depýtaty Ramazan Bekbol óz erkimen ókilettigin merziminen buryn toqtatty.