Almaty máslıhaty erteń qala ákimin saılaý úshin jınalady

ALMATY. KAZINFORM — Almaty qalasy máslıhaty depýtattarynyń jınalysy 24 mamyr kúni saǵat 12:00–de Respýblıka alańy, 4 mekenjaıy boıynsha ótedi. 

Bul týraly Almaty qalasy máslıhaty málimdedi. 

— 2022 jylǵy 8 maýsymdaǵy № 912 Qazaqstan Respýblıkasy Prezıdentiniń Jarlyǵymen bekitilgen Oblys aýmaǵynda ornalasqan máslıhattar nemese respýblıkalyq mańyzy bar qalalar jáne astana máslıhattary depýtattarynyń oblys, respýblıkalyq mańyzy bar qala jáne astana ákimin laýazymǵa taǵaıyndaýǵa kelisim berýi qaǵıdalarynyń 5-tarmaǵyna sáıkes, Almaty qalasynyń ákimin taǵaıyndaýǵa kelisim berý úshin 2025 jylǵy 24 mamyr kúni saǵat 12:00–de VIII saılanymdaǵy Almaty qalasy máslıhat depýtattarynyń jınalysy ótedi, — delingen málimdemede. 

Aıta ketelik búgin Oljas Bektenov Almatyǵa jumys sapary barysynda Almaty taý klasteri aýmaǵyn tikushaqpen aralap kórdi. 

Almaty qalasynyń ákimi Erbolat Dosaev, «Báıterek» UBH» AQ basqarma tóraǵasy Rýstam Qaraǵoıshın, taý shańǵysy ındýstrııasynyń álemdik jetekshi kompanııalarynyń ókilderi: Horwath HTL (AQSh) seriktesi Sınısha Topalovıch, Stem International (Frantsııa) bas dırektory Vınsent Tassar, PGI management (Andorra) prezıdenti Joan Vıladomat taý týrızmin damytý josparlaryn tanystyrǵan edi.