Almaty máslıhaty Balalardyń quqyǵyn qorǵaý basqarmasyn qurýdy qoldady

ALMATY. KAZINFORM — Máslıhattyń kezekten tys sessııasynda depýtattar «Almaty qalasyn basqarý shemasyn bekitý týraly» sheshimge tolyqtyrýlar engizý máselesin qarady. 

Depýtattar jańa qurylymdyq bólimshe — Balalardyń quqyǵyn qorǵaý basqarmasyn qurýdy maquldady.

— Bul sheshim Qazaqstan Respýblıkasy Prezıdenti Ákimshiligi basshysynyń tapsyrmasyna jáne Qazaqstan Respýblıkasy Úkimetiniń qaýlysyna engizilgen ózgeristerge baılanysty qabyldanyp otyr. Bul ózgerister jergilikti deńgeıde balalardyń quqyǵyn qorǵaý jónindegi arnaýly organ qurýǵa baǵyttalǵan, — dep habarlady Almaty ákimdigi.

Almaty máslıhatynyń tóraǵasy Meıirjan Otynshıevtiń aıtýynsha, jeke basqarmanyń qurylýy profılaktıka jumystaryn kúsheıtýge, jedel áreket etý tetikterin jetildirýge jáne vedomstvoaralyq úılestirýdi tıimdi jolǵa qoıýǵa múmkindik beredi. Bul halyq sany kóp ári áleýmettik ınfraqurylymy damyǵan megapolıs úshin asa mańyzdy.

Eske salaıyq, buǵan deıin Almaty ákimi qalada balalardyń quqyǵyn qorǵaý jónindegi jańa basqarma qurylatynyn aıtqan edi.