Almaty marafonyna baılanysty 27-28 qyrkúıekte birneshe kóshe jabylady
ALMATY. KAZINFORM – Almatyda 28 qyrkúıek kúni kezekti Almaty Marathon ótedi.
Almaty ákimdiginiń málimetinshe, bıyl marafonǵa 60-tan astam elden kelgen 16 myń adam qatyspaq. Sol sebepti 28 qyrkúıek kúni saǵat 06:00-den 12:30-ǵa deıin marafon qashyqtyqtary ótetin joldarda kólik qozǵalysy ishinara shekteledi. Sportshylardyń júgirip ótýine qaraı joldar kezeń-kezeńimen ashylyp otyrady. Marafonnyń sóre jáne máre syzyǵy Respýblıka alańynda ornalasady.
27 qyrkúıek kúni saǵat 06:00-den bastap 28 qyrkúıek saǵat 22:00-ge deıin Sátbaev kóshesiniń Jeltoqsan kóshesinen Nazarbaev dańǵylyna deıingi bóliginde eki baǵyttaǵy kólik qozǵalysy toqtatylady.
Al Nazarbaev dańǵylynda Sátbaev kóshesinen Ál-Farabı dańǵylyna deıingi aralyqta kólik qozǵalysy saǵat 06:25-ten 09:35-ke deıin tolyqtaı toqtatylady.
Іs-shara ótetin kúni Ál-Farabı dańǵylynda Nazarbaev dańǵylynan Shashkın kóshesine deıingi aralyqta saǵat 06:30-dan 09:45-ke deıin kólik qozǵalysy ishinara shekteledi. Ál-Farabı dańǵylynyń batys baǵytyndaǵy Shashkın kóshesinen Saın kóshesine deıingi aralyqta saǵat 06:35-ten 10:15-ke deıin kólik qozǵalysy ishinara shekteledi. Kósheniń ońtústik jaǵy avtokólik qozǵalysy úshin ashyq bolady.
Saın kóshesiniń soltústik baǵytyndaǵy Ál-Farabı dańǵylynan Abaı dańǵylyna deıingi bóligi saǵat 07:00-den 11:00-ge deıin jabylady. Abaı dańǵylynyń shyǵys baǵytyndaǵy Saın kóshesinen Rozybakıev kóshesine deıingi bóligi saǵat 07:10-nan 11:30-ǵa deıin jabylady. Dańǵyldyń soltústik jaǵy avtokólik qozǵalysy úshin ashyq bolady.
Abaı dańǵylynda Rozybakıev kóshesinen Baıtursynov kóshesine deıingi bóligi saǵat 07:20-dan 12:00-ge deıin tolyqtaı jabylady. Balamaly qozǵalys ál-Farabı dańǵyly arqyly júzege asyrylady.
Baıtursynov kóshesiniń boıymen Abaı dańǵylynan Sátbaev kóshesine deıingi aralyqta kólik qozǵalysy saǵat 07:30-dan 12:15-ke deıin tolyqtaı jabylady.
Sátbaev kóshesiniń boıymen shyǵys baǵytta Baıtursynov kóshesinen Jeltoqsan kóshesine deıingi bóligi saǵat 07:40-tan 12:30-ǵa deıin tolyqtaı jabylady.
Sondaı-aq Jeltoqsan kóshesiniń boıymen Abaı dańǵylynan Sátbaev kóshesine deıingi bóligi 27 qyrkúıek saǵat 18:00-den 28 qyrkúıek saǵat 16:00-ǵa deıin ishinara jabylady.
Eske salaıyq, bıyl Almatyda jartylaı marafonǵa qatysqan eki adam qaıtys boldy.