Almaty mańyndaǵy jantúrshigerlik jol apatynan úndistandyq stýdentter qaza tapty
ALMATY. KAZINFORM – Keshe, 6 qańtarda Almaty mańynda bolǵan jol-kólik apatynan Úndistannyń azamattary zardap shekti.
Úndistannyń Astanadaǵy elshiliginiń habarlaýynsha, olardyń ishinde Shymkenttegi Ońtústik Qazaqstan medıtsına ýnıversıtetiniń tórt stýdenti jáne Úndistannan kelgen bir týrıst bolǵan.
Olar Shymkentten Almatyǵa qaraı jol júrip bara jatqan jatqan. Eki adam oqıǵa ornynda qaza tapty, al úsheýi aýyr jaraqat alyp, jansaqtaý bóliminde em qabyldap jatyr.
– Úndistannyń Astanadaǵy elshiligi bul qaıǵyly oqıǵa saldarynan qaza tapqan Ońtústik Qazaqstan medıtsına akademııasynyń stýdentteri Radjasthan shtatynyń turǵyndary Karan Parmar men Rıshıradj Baraıttyń otbasylaryna kóńil aıtady. Sondaı-aq jaraqat alǵan Radjasthan shtatynyń turǵyndary Manjıt Sıngh Solankı men Rahýl ıAdav jáne Gýdjarat shtatynyń turǵyny, týrıst Brıdjeshkýmar Bharatkýmar Bhatıge tezirek saýyǵyp ketýin tileımiz, - delingen habarlamada.
Elshilik marqumdar men zardap shekkenderdiń otbasylarymen turaqty baılanysta jáne Qazaqstannyń jergilikti bılik ókilderimen úılestirý jumystaryn júrgizip, barlyq múmkin konsýldyq kómekti kórsetip jatqanyn málimdedi.
Almaty oblystyq polıtsııa departamentiniń málimetinshe, qaıǵyly oqıǵa «Almaty – Bishkek» avtojolynyń 86-shaqyrymynda bolǵan. Jol apatyna qatysty qylmystyq is tirkeldi.
Aldyn ala málimetter boıynsha, Toyota Alphard markaly avtokóliktiń 33 jastaǵy júrgizýshisi róldi basqara almaı, kólikti aýdaryp alǵan.
– Jol-kólik oqıǵasy saldarynan júrgizýshi alǵan jaraqattarynan oqıǵa ornynda qaza tapty. Taǵy eki jolaýshy medıtsınalyq mekemede kóz jumdy, al taǵy úsheýi ártúrli jaraqattarmen aýrýhanaǵa jatqyzyldy. Qazirgi ýaqytta oryn alǵan oqıǵanyń barlyq mán-jaıyn anyqtaý úshin qajetti tergeý áreketteri júrgizilip jatyr, - delingen habarlamada.
Eske salaıyq, buǵan deıin Pákistannyń shyǵysyndaǵy Pendjab provıntsııasynyń Djang aýdanynda avtobýs pen fýrgon soǵysyp, saldarynan 14 jolaýshy kóz jumǵanyn, taǵy 16 adam jaraqat alǵanyn habarlaǵanbyz.
