Almaty mańyndaǵy toıda myltyq atqandar izdestirilip jatyr

ALMATY. KAZINFORM - Áleýmettik jelide kólikte otyryp aspanǵa oq atqan azamattardyń beınejazbasy tarady. Olardyń qatarynda tanymal almatylyq bloger Zaır Rzaev ta bar. Beınerolıkten oqıǵa ornyndaǵy adamdardyń toıǵa jınalǵanyn baıqaýǵa bolady.

Atalǵan jaǵdaıǵa baılanysty Almaty oblysynyń Polıtsııa departamenti túsinikteme berdi.

- Almaty oblysynyń polıtsııasy quqyq buzýshylardyń jeke basyn anyqtaý boıynsha qajetti is-sharalardy júrgizip jatyr. Olar qoldanystaǵy zańnamaǵa sáıkes mindetti túrde jaýapqa tartylady, - dep habaraıdy departament baspasóz qyzmeti.

Aıta keteıik, buǵan deıin Almaty oblysynda eki qyzdy kólik qaǵyp, mert qylǵan.

Sondaı-aq, Almaty oblysynda jol apatynan bes adam kóz jumdy.