Almaty mańyndaǵy taýlarda qar kóshkini júrýi múmkin
ALMATY. KAZINFORM – Tótenshelikter Almaty qalasynyń turǵyndaryna kóshkin júrý qaýpi bolýyna baılanysty qarly betkeılerge shyǵýdan bas tartýǵa keńes berdi.
13-15 qarashada Almatynyń Úlken jáne Kishi ózenderi basseınderinde jaýyn-shashynnyń kóp túsýine baılanysty qar kóshkini júrýi múmkin. Qutqarýshlar qar kóshkini bolýy qaýpine baılanysty turǵyndardy qar basqan betkeılerge shyqpaýǵa shaqyrdy.
Sondaı-aq 112 qyzmetiniń SMS-habarlamalary men BAQ-taǵy aqparatqa salǵyrt qaramaýǵa keńes berildi.
TJM taýdaǵy qaýipsizdik erejelerin eske salady:
- Marshrýtyńyzdy egjeı-tegjeıli zertteńiz.
- Qar kóshkini, sel qaýpi bar jerlerden aýlaq bolyńyz, ásirese qatty jaýyn-shashynnan keıin.
- Jaqyndap kele jatqan sel aǵynynyń shýyn estigennen keıin birden 50-100 metr joǵary kóterilý kerek.
- Bul rette uzaq qashyqtyqqa gúrildegen aǵyny qar kóshkini men seldiń ómirge qaýip tóndiretin úlken salmaqty tastardy ushyrýy múmkin ekenin este saqtańyz.
- Árqashan esińizde bolsyn, qar kóshkini men sel aǵynynan tek qashý arqyly qutylýǵa bolady.
- 112 biryńǵaı nómirinen eskertýlerdi qadaǵalańyz, qar kóshkini men sel qaýpi tóngen jaǵdaıda taýǵa barýdy keıinge qaldyryńyz.
Osyǵan deıin Almaty ákimdigi turǵyndarǵa úndeý jasaǵan bolatyn.
Almatynyń kommýnaldyq qyzmeti kúsheıtilgen rejımge kóshti.490 arnaıy tehnıka men 1 200 jumysshy jumyldyryldy.Aýdandyq ákimdikterde jumys barysyn qadaǵalaý úshin táýlik boıy kezekshilik uıymdastyrylady.
Almatyda bir túnde 52 jol apaty boldy.
