Almaty mańyndaǵy taýda iri tastar qulady
ALMATY. KAZINFORM — Almatyda taý shyńynan iri tastar qulady. Bul sáttiń beınejazbasy áleýmettik jelide tarady.
Beınejazbada oqıǵanyń Úlken Almaty kóli mańynda bolǵany aıtylǵan.
Almaty qalasynyń Tótenshe jaǵdaılar departamenti zardap shekkender týraly aqparat túspegenin habarlady. Taýly aımaqty tekserý jáne jaǵdaıdy baǵalaý úshin oqıǵa ornyna mamandar jiberilgen.
Vedomstvo «Qazseleqorǵaýdyń» Úlken Almaty óndiristik-paıdalaný bólimshesiniń baqylaýshysy aýmaqqa tekserý júrgizgenin atap ótti.
— Tekserý barysynda № 12 kóshkin jınalatyn aýmaqtaǵy betkeıdiń quzdy bóliginen tas qulaǵany anyqtaldy. Oǵan taý jynystarynyń tabıǵı úgitilýi, temperatýranyń aýytqýy men jaýyn-shashyn áseri sebep bolǵan. Qulaǵan tastar jolǵa deıin jetpegen. Qaza tapqandar men zardap shekkender joq, búlingen nysandar tirkelgen joq, — dep málimdedi departamentten.
Eske salaıyq, buǵan deıin Almaty oblysynyń taýlarynda máıit tabyldy.
