Almaty mańyndaǵy tasjolda kólik júrgizýshiler tóbelesip qaldy
QONAEV. KAZINFORM – Almaty - Bishkek tasjoly boıynda tóbelesken kólik júrgizýshilerdiń vıdeosy áleýmettik jelige shyqty.
Beınejazbada bir júrgizýshiniń kólik ishindegi ekinshi júrgizýshini soqqyǵa jyǵyp jyqqanyn kórýge bolady. Sondaı-aq postta oqıǵa Almaty-Bishkek tasjoly boıynda bolǵany jazylǵan.
Almaty oblysy Polıtsııa departamentiniń baspasóz qyzmeti kólik ishindegi júrgizýshini soqqyǵa jyqqan jigittiń ustalǵanyn habarlady. Ol 36 jastaǵy Almaty oblysynyń turǵyny bolyp shyqty.
«Qazirgi ýaqytta oqıǵanyń barlyq mán-jaıyn, tolyqtyǵyn, jan-jaqtylyǵy men obektıvtiligin qamtamasyz etý úshin saraptama taǵaıyndaý arqyly barlyq qajetti tergeý amaldary júrgizilýde. Ustalǵan azamat kinásin moıyndap, zańmen belgilengen tártipte ýaqytsha ustaý ızolıatoryna qamaldy. Ol jol boıynda apatty jaǵdaı jasap, kólik qozǵalysyna qasaqana kedergi keltirgeni úshin jaýapqa tartyldy», - dep habarlady polıtsııadan.
