Almaty mańyndaǵy óndiristik aımaqtaǵy órt sóndirildi

QONAEV. KAZINFORM – Óndiristik aımaqta ornalasqan qoımadaǵy órtti sóndirýge shamamen 90 adam men 30 tehnıka jumyldyryldy.

Almaty oblysy tótenshe jaǵdaılar departamentiniń baspasóz qyzmetiniń habarlaýynsha, órt 10 shilde kúni saǵat 14:50-de Aşybulaq aýyldyq okrýginde ornalasqan ónerkásiptik aımaqta shyqqan. Qoımada jańa mopedter bolǵan.

— Qutqarýshylar oqıǵa ornyna dereý jetip, órtti sóndirý jumystaryna kiristi. Órt 16:46-da tolyq sóndirildi. Qyzyl jalyn 1200 sharshy metr aýmaqty sharpyǵan. Qaza tapqandar men zardap shekkender joq. Órttiń shyǵý sebepteri anyqtalyp jatyr, — dep habarlady vedomstvodan.

Órtti sóndirýge Almaty oblysy men Almaty qalasynyń TJD kúshteri men quraldary, Ulttyq ulan, órtke qarsy qyzmet jáne QR Qorǵanys mınıstrliginiń №50065 jáne №03826 áskerı bólimderiniń áskerı qyzmetshileri tartyldy.

Buǵan deıin qoımanyń órtenip jatqany týraly jazǵanbyz.