Almaty mańyndaǵy karerde topyraq opyryldy: turǵyndar ýaqytsha kóshirilip jatyr
ALMATY. KAZINFORM — Almaty oblysy Qarasaı aýdanynda tótenshe jaǵdaı boldy.
Qarasaı aýdany ákimdiginiń málimetinshe, 2 shilde saǵat tańǵy 6:50 shamasynda Janaturmys aýylyndaǵy «Karer Aksaı» JShS aýmaǵynda Aqsaı ózeni arnasy tabanynyń shaıylýy saldarynan karerdiń soltústik-batys bóliginde topyraq opyrylǵan.
Sonyń saldarynan qazir 9 jeke úıdiń turǵyndaryn ýaqytsha kóshirý jáne olarǵa qajetti kómek kórsetý boıynsha is-sharalar júrgizilip jatyr.
— Almaty oblysy tótenshe jaǵdaılar departamenti men jergilikti atqarýshy organnyń qyzmetkerleri aýmaqta úı-úıdi aralap, turǵyndar arasynda túsindirý jumystaryn júrgizip jatyr, — dep habarlady aýdan ákimdigi.
Sondaı-aq oqıǵanyń saldaryn joıý maqsatynda 19 adamnan jáne 14 tehnıkadan turatyn jedel shtab qurylǵan. Onyń quramynda Almaty oblysy TJD — 7 qyzmetkeri jáne 3 tehnıkasy, Almaty qalasy TJD — 1 qyzmetker jáne 1 tehnıkasy, QR TJM 28237 áskerı bólimi — 3 áskerı qyzmetker jáne 1 tehnıkasy, ákimdik — 10 qyzmetker jáne 9 ınjenerlik tehnıkasy bar.
— Jaǵdaı jergilikti atqarýshy organnyń baqylaýynda. Turǵyndardan sabyr saqtaýdy jáne tek resmı aqparat kózderine ǵana senýdi suraımyz, — dep naqtylady ákimdikten.
Eske salaıyq, keshe Eńbekshiqazaq aýdanynda «Túrgen — Asy» avtojolyn jáne demalys aımaǵyn sý basty.
Sondaı-aq nóser jaýynǵa baılanysty Almaty ózenderinde sý deńgeıi kóterildi.
