Almaty mańyndaǵy «Barys» avtokólik bazarynyń bolashaǵy qandaı

QONAEV. KAZINFORM - Almaty oblysynyń ákimi Marat Sultanǵazıev Almaty qalasyna jaqyn ornalasqan «Barys» avtokólik bazarynyń bolashaǵyna qatysty pikir bildirdi.

— Bul óte yńǵaıly oryn. Alaıda bazar aýmaǵynyń birneshe menshik ıesi bar jáne olardyń keıbirimen sot protsesteri júrip jatyr. Eger biz isti jeńip, 36 gektardan astam jer telimin oblys qaramaǵyna qaıtara alsaq, bul jerde ónerkásiptik ındýstrııalyq aımaq qurý josparda bar, — dedi óńir basshysy.

Onyń aıtýynsha, bul aýmaqty paıdalanýdyń ártúrli nusqalary qarastyrylǵan. Alaıda sońynda óndiristi damytýǵa basymdyq berý jóninde sheshim qabyldanǵan.

— Bul — halyq tyǵyz qonystanǵan aýdan. Al adamdarǵa eń aldymen jumys oryndary qajet, — dep túsindirdi ákim.

Eske salaıyq, 2023 jyly sot "Barys" avtokólik bazarynyń jer ýchaskelerin satyp alý-satý shartyn jaramsyz dep tanydy.