Almaty mańyndaǵy aýylda kópqabatty úıden órt shyqty

ALMATY. KAZINFORM – Almaty oblysynyń qutqarýshylary kópqabatty úıden shyqqan órtti sóndirdi.

Almaty qalasynyń janynda ornalasqan Іrgeli aýylynyń aýmaǵyna kiretin «Asyl arman» turǵyn úı kesheninen órt shyqty. Oqıǵa ornyna kelgen órt sóndirýshiler 9 qabatty turǵyn úıdiń 6-shy qabatynda balkon janǵanyn anyqtaǵan. Órt 7 jáne 8-qabattaǵy páterler men balkondarǵa aýysqan.

- Úıdiń turǵyndary aldyn ala evakýatsııalandy. TJM kúshterimen 60 sharshy metr alańdaǵy órt sóndirildi. Zardap shekkender joq, - dep habarlady TJM baspasóz qyzmeti.

Eske salaıyq, buǵan deıin Almatyda sý qaýipsizdigi erejelerin buzǵan 23 adamǵa jarty mıllıon aıyppul salynǵanyn jazǵanbyz.