Almaty mańynda júk poıyzy men júk kóligi soqtyǵysty

ALMATY. KAZINFORM - Almaty mańyndaǵy Jarmuhambet aýylynda keshki ýaqytta júk poıyzy men júk kóligi soqtyǵysty. Polıtsııa málimetine sáıkes, jol apatynan zardap shekkender joq.

- IVECO avtokóligi men júk poıyzy Qarasaı aýdany Jarmuhambet aýylyndaǵy temirjol ótkelinde soqtyǵysty. Avtokólikke mehanıkalyq zaqym keldi. Qurbandar men zardap shekkender joq. Jol erejesin buzǵany úshin Iveco júrgizýshisi ákimshilik jaýapkershilikke tartyldy, - dep habarlady oblystyq PD baspasóz qyzmeti.

Eske salaıyq, buǵan deıin Almaty mańynda kondýktor júrip bara jatqan avtobýstan qulap, mert bolǵanyn jazǵanbyz. 

Sondaı-aq ótken aptada Almaty mańynda avtobýs kópirden kóliktiń ústine qulaǵan bolatyn.