Almaty mańynda joǵalyp ketken 3 jasar qyzǵa qatysty qylmystyq is qozǵaldy
QONAEV. KAZINFORM - Almaty oblysynyń polıtsııa departamenti Eńbekshiqazaq aýdany Kúsh aýylynda joǵalyp ketken úsh jasar qyzdy óltirip ketýi múmkin ekenin málim etti.
Almaty oblystyq Polıtsııa departamentiniń málimetinshe, iz-túzsiz joǵalyp ketken 3 jastaǵy Aııa Sofııaǵa qatysty sotqa deıingi tergep-tekserý jumystary bastaldy. Kúdiktiler ustalyp, qamaýǵa alyndy.
«Atalǵan derek QR Qylmystyq kodekstiń 99-babynyń 3-bóligi «Kámeletke tolmaǵan adamdy óltirý» boıynsha sotqa deıingi tergep-tekserýdiń biryńǵaı tizilimine tirkeldi», - dep habarlady Almaty oblystyq Polıtsııa departamentinen.
Polıtsııa kúdiktilerdiń kim ekenin jáne qyzdyń denesi tabylǵany týraly aqparat bermedi.
QR Qylmystyq-protsestik kodeksiniń 201-babynyń erejelerine sáıkes ózge málimetter jarııa etýge jatpaıdy», – dep atap ótti vedomstvodan.
Eske salaıyq, 17 naýryz saǵat 16:00 shamasynda Almaty oblysy Eńbekshiqazaq aýdany Kúsh aýylynda úsh jasar qyzy úıinen shyǵyp ketip, qaıtyp oralmaǵan. Qyzdy izdeýge tikushaq pen dron jumyldyryldy.
Sondaı-aq Polıtsııa departamentiniń baspasóz qyzmeti izdeý jumystaryna volonterler, teplovızory bar drondar men tikushaq tartylǵanyn habarlady.
