Almaty mańynda týrıster ilbisti kezdestirdi
ALMATY. KAZINFORM — Almaty taýlarynda serýendep júrgen týrıster kútpegen jerden qar barysymen kezdesip qaldy.
Barystyń vıdeosy jelide jarııalandy.
Týrısterdiń biriniń aıtýynsha, serýendep júrgende, olardyń sońynan ıt erip júrdi. It mezgil-mezgil úredi, biraq týrıster alǵashynda ony elemegen. Kenetten soqpaq jolda qar barysy paıda boldy. Jyrtqyshty kórgen týrıster odan aýlaq bolýǵa tyrysty.
— Biraz ýaqyttan keıin jigit basqa jaqtan keldi. Barys betkeıge kóterilip ketti. It ony qaıtadan baıqap, úre bastaǵanda, jigitter ony kóterip, tómen qaraı jeteledi, — dedi Vıktorııa.
Sózinshe, jaqyn jerde barystyń oljasy bolýy múmkin. Sondyqtan olar jyrtqyshqa jaqyndamaýǵa nemese ony ashýlandyrmaýǵa tyrysty.
— Biz úshin bul jabaıy janýarmen kezdeısoq kezdesý boldy, ony biz mindetti túrde esimizde saqtaımyz. Biz barystyń qanshalyqty sırek kezdesetinin jáne qundy ekenin túsinemiz, sondyqtan naqty ornalasqan jerin ádeıi aıtpaımyz, — dep jazdy ol.
Barys — Ortalyq Azııa taýlarynda mekendeıtin sırek kezdesetin jyrtqysh. Ol Qazaqstannyń Qyzyl kitabyna engizilgen jáne ony memleket qorǵaıdy.
Eske salaıyq, Balqash óńirindegi Іle-Balqash memlekettik tabıǵı rezervatyna jiberilgen Úmit atty jolbarys jańa mekenge qalaı beıimdelip jatqany aıtyldy.
