Almaty mańynda poıyz eki adamdy basyp ketti
ASTANA. KAZINFORM — Oqys oqıǵa keshe Aqseńgir-Býrýndaı aralyǵynyń Otar — Almaty — 1 ýchaskesinde bolǵan, dep habarlaıdy QTJ baspasóz qyzmeti.
2025 jylǵy 23 maýsymda saǵat 19:10–da Aqseńgir-Býrýndaı aralyǵynyń Otar — Almaty — 1 ýchaskesinde poıyz mashınısi eki adamnyń temir jolǵa kenetten shyǵýyna baılanysty shuǵyl tejeýdi qoldandy. Olar lokomotıv sıgnaldaryna nazar aýdarmady.
— Qashyqtyqtyń qysqalyǵyna baılanysty basýdyń aldyn alý múmkin bolmady. Oqıǵa týraly Almaty-1 stantsııasynyń JPB-ǵa habarlandy. Oqıǵa ornynda quzyretti qyzmetter jumys istep jatyr. Tergeý júrgizilýde, — delingen vedomstvo habarlamasynda.
QTJ temir joldarynda bolý erejelerin qatań saqtaý qajettigin eske salady. Temir joly — qaýiptiligi joǵary aımaq.
Budan buryn BQO-da júk kóligi poıyzben soqtyǵysyp, júrgizýshi mert bolǵanyn jazǵan edik.