11:40, 13 Aqpan 2024 | GMT +6
Almaty mańynda esirtki jasaıtyn zerthanadan 8 keli mefedron alyndy
ALMATY. KAZINFORM — Almaty oblysy boıynsha UQK departamenti sıntetıkalyq esirtki óndiretin jasyryn zerthanany áshkereledi.
Osylaısha 6 aqpanda Almaty qalasyna jaqyn ornalasqan jeke úıde psıhotroptyq zattardy daıyndaý kezinde qylmys ústinde esirtki zerthanasyn uıymdastyrýshy 1995 jyly týǵan Qazaqstan azamatyn ustady.
Tintý barysynda 40 myń bir rettik dozaǵa ekvıvalentti 8 keliden astam «mefedron» psıhotroptyq zaty, sondaı-aq ony daıyndaıtyn qurylǵy men komponentter alyndy.
Anyqtalǵan esirtkiniń «qara» naryqtaǵy aldyn ala quny 150 mln teńgeden artyq somaǵa baǵalanady.
Qylmystyq kodekstiń 297-baby 3-bóligi boıynsha sotqa deıingi tergep-tekserý júrgizilýde.
Qylmystyq-protsestik kodekstiń 201-baby 1-bóligine sáıkes ózge aqparat jarııalanbaıdy.
