Almaty mańynda eki júk kóligi soqtyǵysyp, bir adam kóz jumdy

ALMATY. KAZINFORM — Almaty oblysy Talǵar aýdany Besaǵash aýylynda eki júk kóligi soqtyǵysty. Jol-kólik oqıǵasy 1 tamyz kúni keshke qaraı bolǵan.

Almaty oblysy polıtsııa departamentiniń málimetinshe, saǵat 17:11–de SHACMAN júk kóliginiń 59 jastaǵy júrgizýshisi «Almaty-Talǵar» tasjolymen júrip kele jatqanda kólik tizginin basqara almaı, jol jıeginde turǵan «ZIL» markaly avtokólikke soǵylǵan.

Saldarynan 1964 jáne 1978 jyly týǵan júrgizýshiler Almaty qalasynyń aýrýhanasyna jatqyzylǵan. 

Alaıda júrgizýshilerdiń biri operatsııadan keıin aýrýhana palatasynda jan tapsyrdy.

Oblystyq polıtsııa departamenti atalǵan fakti boıynsha qylmystyq is qozǵady.

Eske salaıyq, keshe Almatyda polıtsııa avtobýsy jeńil kólikpen soqtyǵysqan bolatyn.